Ўзбекистонда “CubeSat” илмий-таълим сунъий йўлдоши ишлаб чиқарилади ва учирилади
Бу ҳақда АОКАда “Ўзбеккосмос” агентлиги раҳбарияти ва мутасаддилари иштирокида ўтказилган матбуот анжуманида маълум қилинди.
Жорий йилнинг 26-27 апрель кунлари Тошкентда 30 дан ортиқ давлатдан 250 дан ортиқ космик корпорация, агентлик ва қўмита вакилларининг учрашуви бўлиб ўтди.
“Ўзбеккомос” томонидан ташкил этилган ушбу халқаро конференция доирасида Туркия, АҚШ, Қозоғистон ва БАА билан бир қатор қўшма лойиҳалар бўйича келишувга эришилди. Уларнинг аксарияти соҳа учун янги кадрлар тайёрлашга қаратилган.
Конференция доирасидаги Туркий Давлатлар ташкилотига (ТДТ) аъзо ва кузатувчи давлатлар космик агентликлари ва тегишли идоралари раҳбарларининг 2-йиғилишида ёшлар учун Туркиянинг Измир шаҳрида жойлашган “Space Camp Turkiye” оромгоҳида таълим дастурини ташкил қилишга келишилди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг