«Британча» штамм аниқлангани ҳақида ОАВ орқали бирмунча кеч хабар берилгани республика аҳолисини бирмунча хавотирга солди. Уларда мавжуд тизим бу каби янги касалликлар кириб келса унга тайёр эмас деган фикр шаклланишига асос бўлган бўлиши мумкин. «Британча» штамм кириб келса биз унга қарши кураша олмаймиз деган фикрлар ҳам пайдо бўлган бўлиши мумкин. Шу ҳақида фикрингиз қандай? Мазкур саволга Коронавирусга қарши кураш штаби аъзоси Нурмат Отабеков жавоб берди.

«Албатта, Ўзбекистон Республикаси 30 январь куни Ўзбекистон ҳудудида коронавируснинг янги штамми аниқлангани тўғрисида хабар берди.

Республикамиз бу каби касалликларнинг кириб келишига тайёр бўлмаслиги, «британча» штамм Ўзбекистонга кириб келса муаммо туғдириши мумкин деган фикрга озгина ойдинлик киритайлик. Албатта, Ўзбекистон нимага қодир эканлигини ўзини кўрсатди. Мана ҳозир аҳамият берган бўлсангиз жуда кўп давлатлар, коронавирус касаллиги нуқтаи назаридан яъни касаллик авж олиши баробарида карахт ҳолатга келган бир пайтда Ўзбекистонда эпидемик барқарорлик таъминланган.

«Британча» штамм аниқланган беморимиздаги касаллик ҳам айнан аэропортда аниқланган ва алоҳидаланган. Демак Ўзбекистон шароитида касаллик манбаи дейлик аэропорт шароитида ва ўша бемор ётқизилган шифохона шароитида жиловланган. Демак кассаликни аҳолининг ичига кириб кетишига йўл қўйилмаган. Эпидемик жараённинг учта босқичини эслайдиган бўлсак, касаллик манбаини жиловласак, юқиш йўлини олдини олсак, юқтириш эҳтимоли бўлган аҳолининг ҳимоясини таъминлай олсак касалликнинг кенг кўламда авж олиб кетишига йўл қўймаймиз. Айнан шу нуқтаи назардан Ўзбекистон мана шу касалликка чалинган беморни Ўзбекистон дарвозаси яъни аэропорт шароитида аниқлаб олишини ўзи бу нимага қодир эканлигини кўрсатади», деди Отабеков.