Ўзбекистон икки ойда қарийб 20 млн долларлик газланган ичимликлар экспорт қилди
2026 йилнинг январь-февраль ойларида Ўзбекистон 19 та хорижий давлатга қиймати 19,9 млн АҚШ долларига тенг бўлган 43,2 млн литр газланган ичимликлар экспорт қилган. Бу ҳақида Миллий статистика қўмитаси маълумот берди.
Энг кўп газланган ичимликлар экспорт қилинган давлатлар рўйхатида Қозоғистон етакчилик қилмоқда. Ушбу мамлакатга шу йилнинг январь-февраль ойларида 26,8 млн литр ичимлик етказиб берилган.
Шунингдек, ушбу давр мобайнида Қирғиз Республикасига 12,9 млн литр, Россияга 3 млн литр, Грузияга 123,2 минг литр, Мўғулистонга 99,3 минг литр ҳамда бошқа давлатларга 319,8 минг литр газланган ичимликлар экспорт қилинган.
Қўмита маълумотларига кўра, ушбу экспорт ҳажми 2025 йилнинг мос даврига нисбатан 28,2 млн литрга ёки 2,9 баробарга ортган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг