От спорти: Жаҳон кубогининг финал босқичи
Саудия Арабистонида от спортининг конкур йўналиши бўйича «CSI 5*-W» дастурида Жаҳон кубогининг финал босқичи бўлиб ўтди.
Унда Ўзбекистон терма жамоаси вакили Абдураҳмон Абдуллаев юртимиз шарафини ҳимоя қилди.
Спортчимиз Гран-при йўналиши ҳисобланмиш 160 см баландликдаги тўсиқлардан сакраш баҳсида ўз имкониятини синаб кўрди. 18 ёшли иқтидорли чавандозимиз масофани жарима очколарисиз 37,28 сонияда босиб ўтди.
Ушбу натижа билан у бешинчи натижани қайд этди. Юртдошимизни шоҳсупадан сониянинг бир неча улушлари ажратиб қолди холос.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг