Нью-Йорк штатига келганларнинг барчаси энди 14 кун ўрнига 3 кун карантинда бўлади
АҚШнинг Нью-Йорк штатига бошқа штатлардан келганларнинг барчаси энди уч кунлик карантинда бўлади. Бу ҳақда штат губернатори Эндрю Куомога асосланиб NBC хабар берди.
Унинг айтишича, мамлакатнинг бошқа штатлари ва ҳудудларидан келган барча меҳмонларни 14 кунлик карантинга риоя этиш мажбурияти билан боғлиқ аввалги режим бекор қилинди.
Куомо энди штатга кирадиган одамлар уч кун давомида карантинга олиниши, тўртинчи куни эса янги коронавирус учун тестдан ўтиши кераклигини айтиб ўтди. Агар тест манфий бўлиб чиқса, у ҳолда карантиндан чиқишга рухсат берилади.
Айни пайтда дунё бўйича АҚШ коронавирус билан касалланганлар сони бўйича биринчи ўринда турибди. Сўнгги маълумотларга кўра, мамлакатда Covid-19га чалинганлар сони 9,2 млн. нафар, вафот этганлар сони эса 230 мингдан ошди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг