Норвегияда Россияга жосусликда гумон қилинган шахс ҳибсга олинди
Архив сурат
Норвегияда Россия махсус хизматларида ишлаганликда гумон қилиниб, келиб чиқиши россиялик бўлган Бразилия фуқароси қўлга олинди. Бу ҳақда маҳаллий NRK телеканали хабар бермоқда.
Полиция ҳибсга олинган шахсни ноқонуний муҳожир деб атаган. У ўзини оддий фуқаро сифатида кўрсатган, аммо разведка учун ишлаган. Бу ҳолатда Норвегия бошқа давлатларнинг хавфсизлик хизматлари билан ҳамкорлик қилган.
Қайд этилишича, эркак Норвегияга Тромсо тадқиқот университети тавсияси билан 2021 йилнинг кузида келган. Шунингдек, қўлга олинган шахс бошқа нарсалар қатори гибрид урушни ўрганиш билан ҳам шуғулланган айтилмоқда.
Октябрь ойида Норвегия полицияси учувчисиз учиш қурилмаларни бошқаришда гумон қилинган икки россияликни ҳибсга олган эди. Улардан бири Россия темир йўллари собиқ раҳбари Андрей Якуниннинг 47 ёшли ўғли ҳисобланади. Россия ва Буюк Британия фуқаролигига эга бўлган ушбу шахс санкцияларни бузганликда айбланган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг