Ноқулай об-ҳаво туфайли айрим авиарейслар ҳаракат жадвалида ўзгариш бўлди
«Uzbekistan Airways» АЖ хабарига кўра, 2022 йил 18 январь куни ноқулай об-ҳаво шароити (кучли қор, кўришнинг етарли даражада эмаслиги) туфайли HY-280 Истанбул – Урганч йўналишидаги рейс мажбурий Тошкент аэропортига юборилди.
Ушбу рейсдаги барча, яъни 98 нафар йўловчи меҳмонхонага жойлаштирилади. Ушбу йўловчилар 19 январь куни HY-051 рейси билан Урганчга парвоз қилади.
Шунингдек, Урганчда бўлиб турган об-ҳаво туфайли HY-054 Урганч — Тошкент рейси бекор қилинди. Ушбу рейс йўловчилари 19 январь куни HY-052 рейси билан Тошкентга парвоз қилади.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг