Netflix Уилл Смит ижросидаги фильмларни қайтармоқда
Машҳур Netflix кинокомпанияси актёр Уилл Смит ижросидаги янги кинолойиҳалардан воз кечмоқда. Бу ҳақда Кинематография агентлиги Ахборот хизмати kinonews.ru хабарига таяниб маълум қилди.
Актёр бош роль ижро этишни режалаштирган "Fast and Loose" криминал драмаси компания тўхтатган лойиҳалардан биридир.
Фильмда Уилл Смит хотирасини йўқотган жиноий гуруҳ раҳбари сифатида гавдаланади. Компания ижодий жамоа билан ишлашни давом эттириши ҳозирча номаълум.
Аввалроқ, актёр иштирокидаги “Bad Boys 4” жангари фильмини яратиш бўйича ҳам ишлар тўхтатилган эди. Яна шунингдек, ишлаб чиқаришгача бўлган бир қанча бошқа лойиҳалар худди шундай вазиятга дуч келиши мумкин.
Маълумот учун, 1 апрель куни Смит академиядан истеъфога чиққанини маълум қилган эди. У буни “Ўзгариш вақт талаб этади” дея изоҳлаган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг