Нефть ва газ объектлари жорий мавсум учун тайёр ҳолатга келтирилди
“Ўзбекнефтгаз” АЖ тасарруфидаги бошқарма ва корхоналарни 2023/2024 йиллар қиш мавсумида барқарор ишлашга тайёрлаш мақсадида амалга оширилган чора-тадбирлар ўз ниҳоясига етди.
Объектларни узлуксиз ишлашини таъминлаш учун асосий муҳандислик коммуникациялари, технологик асбоб-ускуналар, ижтимоий соҳа ва уй-жой фондлари таъмирланди.
Шунингдек, газ қазиб чиқариш ва қайта ишлаш объектларидаги мавжуд сиқув компрессор станцияларидаги 51 та газ ҳайдаш агрегатида регламент ишлари бажарилди ва 9 та двигатель капитал таъмирланди.
Истеъмолчиларни мавсум давомида суюлтирилган газ билан узлуксиз таъминлаш учун “Ҳудудгазтаъминот” АЖ билан биргаликда ойлар кесимида жадваллар ишлаб чиқилди.
Бундан ташқари ёқилғи-мойлаш маҳсулотларини истеъмолчилар ва иқтисодиёт тармоқларига ўз вақтида етказиб бериш мақсадида зарур миқдорларда захиралар яратилди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг