«Навбаҳор» конголик ҳужумчи билан шартнома имзолади
Наманганнинг «Навбаҳор» клуби конголик ҳужумчи Катулонди Кати билан шартнома имзолади. Бу ҳақда клубнинг расмий саҳифасида маълумот берилди.
«Transfermarkt» портали ушбу футболчининг нархини 400 минг евро деб баҳоламоқда.
«Маҳоратили конголик ҳужумчи Катулонди Кати жамоамиз билан шартнома имзолади. Катулонди Кати — 1999 йил 19 октябрда Конго Демократик Республикасида туғилган.
Фаолияти давомида Конго Демократик Республикасининг «Дофен Нуар» (Гома), «Мотема Пембе» (Киншаса) жамоаларида ўйнаган. 2022 йилдан буён Марокашнинг «Ҳассания» (Агадир) жамоасида тўп тепаётган эди», дейилади клубнинг Telegram каналида.
Маълумот учун, Ўзбекистонда қишки трансферлар ойнаси 20 февраль куни ўз якунига етади.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг