Наманганда йигит севгилисининг машинасини ёқиб юборди
Наманган шаҳрининг Давлатобод туманида 13 ноябрь куни эркак ўз севгилисининг «Malibu-2» автомашинасини ёқиб юборди. Бу ҳақда вилоят ИИБ матбуот хизмати хабар берди.
Аввалроқ Наманганда автотураргоҳда турган Малибу ёниб кетгани ҳақида хабар берилганди. Машинанинг ички қисми бутунлай шикастланган, двигатель қисман ёниб кетган.
Маълумотларга кўра, «102» хизматига соат тахминан 04:00ларда 1989 йилда туғилган аёл уй олдида тўхтаб турган «Malibu-2» русумли автомобили ёниб кетгани ҳақида хабар келиб тушган.
Маълум бўлишича, севгилиси унга ўт қўйган. Эркак аёл билан келишмовчилик туфайли маст ҳолда 10 литрли пластик идишда бензин олиб келиб, ён ойнасини тош билан синдириб, кузовга, жумладан, автомобиль салонига ёқилғи қуйган. Кейин гугурт билан уни ёқиб юборган.
Ҳозирда мазкур ҳолат юзасидан вилоят Ички ишлар бошқармаси тергов бўлими томонидан тергов ҳаракатлари олиб борилмоқда.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг