Москвага ўқишга жўнатилаётган талабалар билан шартномалар имзоланди
Бутунроссия давлат кинематография институти (ВГИК) ўқиш учун ўзбекистонлик етти нафар иқтидорли талабаларни танлаб олган эди. Шу муносабат билан бугун «Ўзбеккино» Миллий агентлиги Бош директори Фирдавс Абдухолиқов ва ўқишга қабул қилинган талабалар иштирокида шартномалар имзоланди.
Учрашувда карантин сабаб ўқиш онлайн режимда бошлангани, ноябрь ойининг якунига қадар талабалар Москвага жўнатилиши айтилди. Бош директор Бутунроссия давлат кинематография институти (ВГИК)га кирган талабаларни жорий йилнинг декабрь ойида Агентлик томонидан ўтказилиши режалаштирилаётган ёш киноижодкорларнинг «Дебют» фестивалига ҳам таклиф этди.
Шунингдек Россия олийгоҳи билан ҳукумат кўмаги ёрдамида ўзбек талабали учун алоҳида кичик факультет ташкил этилиши ҳақида келишувга эришилгани маълум қилинди. Бу кейинчалик янада кўпроқ ўзбекистонлик талабаларни МДҲдаги энг асосий кино олийгоҳида ўқитиш имкониятини яратади.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг