Молдова Европа Иттифоқининг Россияга қарши янги санкцияларига қўшилишдан бош тортди
Иллюстратив фото
Молдова Европа Иттифоқининг (ЕИ) Россияга қарши санкцияларининг 14-пакетига қўшилишдан бош тортди. Бу ҳақда Европа Иттифоқининг ташқи ишлар ва хавфсизлик сиёсати бўйича Олий вакили, Европа комиссияси вице-президенти Жозеп Боррель маълум қилди.
«Номзод давлатлар Шимолий Македония, Черногория, Албания, Украина, Босния ва Герцеговина, шунингдек, Европа эркин савдо ҳудуди давлатлари – Исландия, Норвегия ва Лихтенштейн Европа Иттифоқи кенгашининг 24 июндаги қарорига қўшилди», — дейди Боррел.
Унинг қўшимча қилишича, санаб ўтилган давлатлар миллий сиёсатларнинг ЕИнинг ушбу қарорига мос келишини таъминлайди.
Шу йилнинг март ойида Молдова Ташқи ишлар вазирлиги Кишинёв Москвага қарши санкцияларнинг аксарият қисмини қўллаб-қувватлагани ҳақида хабар берган эди. Мамлакат ташқи ишлар вазири Михай Попсойнинг сўзларига кўра, Молдова шахсий чекловлар ва иқтисодий чораларнинг тахминан 80 фоизига қўшилган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг