Фото: Getty Images

Дунёда миллиардерлар сони рекорд даражага етди. Айни пайтда уларнинг сони 2781 нафарни ташкил этмоқда. Умумий бойлиги 14,2 триллион доллар. “Forbes” журнали маълумотларига кўра, ўтган йилда уларнинг учдан икки қисми даромадларини оширган. Чорак қисми “қашшоқлашган”.

Нашр айни пайтдаги дунёнинг энг бой ўн одамини рўйхатини тақдим этди.

Унда франциялик тадбиркор, “Louis Vuitton Moët Hennessy” (LVMH) раҳбари Бернард Арнони ўтган йилдаги каби бу сафар ҳам дунёнинг энг бой одами деб топилди. Нашр унинг бойлигини 233 миллиард долларга баҳолаган. Бир йил аввал бу кўрсаткич 211 миллиард доллар эди.

Рейтингда иккинчи ўринни “SpaceX” ва “Tesla” асосчиси, Х (собиқ Twitter) ижтимоий тармоғи эгаси Илон Маск 195 миллиард доллар бойлиги билан эгаллади. Ўтган йилда унинг бойлигини 180 миллиард доллар бўлган.

Учинчи поғонадаги “Amazon” асосчиси Жефф Безоснинг бойлиги 194 миллиард долларга баҳоланди. Ўтган йили Безоснинг бойлиги 114 миллиард долларни ташкил этган эди. Умуман олганда, глобал рўйхатнинг кучли учлиги ўтган йилга нисбатан ўзгармаган бўлса-да, Безос Маск билан орадаги фарқни кескин қисқартирган.

Рўйхатда кескин сакрашни “Instagram” ва “Facebook”га эгалик қилувчи “Meta” асосчиси Марк Цукерберг амалга оширди. У бир йил аввал 16-ўриндан кейин тўртинчи ўринни чиқиб олди. Цукербергнинг бойлиги 64,4 миллиард доллардан 177 миллиард долларгача ошган.

Дастурий таъминотлар ишлаб чиқарувчи “Oracle” компаниясининг ҳаммуассиси Ларри Эллисон 141 миллиард доллар бойлиги билан бешинчи ўринни эгаллади. Ўтган йили унинг кўрсаткичи 107 миллиард доллар эди. Эллисон аввалги рўйхатда тўртинчи ўринда қайд этилганди.

Америкалик инвестор Уоррен Баффет ҳам рўйхатдаги мавқеини ёмонлаштирди, у бешинчи ўриндан олтинчи ўринга тушиб кетди. Шунга қарамай унинг бойлиги 106 миллиард доллардан 133 миллиард долларга ошган.

“Microsoft” эгаси Билль Гейтс олтинчи ўриндан еттинчи ўринга тушиб кетди. Лекин унинг бойлиги ҳам йил давомида 104 миллиард доллардан 128 миллиард долларгача кўпайди.

“Microsoft” компаниясининг собиқ бош директори (компаниядаги кичик улушга эга), Los-Anjeles Clippers” баскетбол клубининг эгаси. Стив Балмер йил давомида рейтингда ўнинчи ўриндан саккизинчи ўринга кўтарилди. Унинг бойлиги 80,7 миллиард доллардан 121 миллиард долларга ошган.

Рўйхатда ўтган йилдаги каби тўққизинчи ўринни Ҳиндистондаги “Reliance Industriyes” энг йирик хусусий компания эгаси Мукеш Амбани эгаллади. Унинг бойлиги 83,4 миллиард доллардан 116 миллиард долларга ошган.

Кучли ўнликка “Google” компаниясининг собиқ ижрочи директори ва ҳаммуассиси Ларри Пейж кирди. У ўтган йилга нисбатан икки поғона юқорига кўтарилди ва унинг бойлиги 79,2 миллиард доллардан 114 миллиард долларга кўпайди.