Маҳалла аҳли мактабда спорт зал қурилишига кўмаклашди
Яқинда Тойлоқ туманидаги Бирлик маҳалласида жойлашган 23-умумтаълим мактабининг янги қурилган замонавий спорт зали фойдаланишга топширилди.
320 нафар ўқувчи таълим-тарбия оладиган мазкур мактаб 2013 йилда қурилган бўлиб, спорт зал йўқ эди. Бу борада маҳалла аҳли “Очиқ бюджет”нинг 2023 йил 1-мавсумида иштирок этиб, ғолиб бўлишган эди. Ажратилган 1 миллиард 200 миллион сўм маблағ эвазига мактаб ўқувчилари замонавий спорт залига эга бўлишди.
Ҳозирги кунда Самарқанд шаҳрининг Қорасув масканида 82-мактаб биноси қурилмоқда. Ушбу мактаб келгуси ўқув йилидан тўлиқ ишга тушиши кўзда тутилган.
— Бу йил вилоятда яна учта мактаб қуриш режалаштирилган, — дейди вилоят мактабгача ва мактаб таълими бошқармаси бошлиғи вазифасини бажарувчи Фаррух Болтаев. — Паяриқ туманининг Каттасой қишлоғида барпо этилаётган янги мактаб биноси ҳам шулар жумласидандир. Туманнинг олис ҳудуди — Дўстлик маҳалласида бугунги кунда ягона мактаб бўлиб, қишлоқлардан келадиган ўқувчилар 5-7 километр йўл босишига тўғри келмоқда.
Абдулазиз ЙЎЛДОШEВ, “Халқ сўзи”.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг