Коронавируснинг янги штаммлари аниқланган давлатлар сони ўсишда давом этмоқда — ЖССТ
Иллюстратив фото
Коронавируснинг янги штаммлари аниқланган мамлакатлар сони ўсишда давом этмоқда.
Жаҳон соғлиқни сақлаш ташкилоти (ЖССТ) маълумотига кўра, ўтган ҳафта давомида яна етти мамлакатда коронавируснинг Буюк Британия мутацияси (VOC 202012/01) аниқланган ва ушбу штамм қайд этилган давлатлар сони 101 тага етган.
Яна беш мамлакатда Жанубий Африка Республикаси мутацияси (501Y.V2) аниқланган ва ушбу штамм кириб борган давлатлар сони 51 тага етди.
Бундан ташқари, дастлаб Бразилияда ва кейин Японияда қайд этилган P.1 штамми яна саккиз мамлакатда рўйхатга олинган ҳамда ушбу мутация аниқланган давлатлар сони 29 тага етган.
ЖССТ Жанубий Африка Республикаси штамми Буюк Британия мутацияси ва коронавируснинг биринчи аниқланган турига қараганда юқумлироқ эканлигини аммо касалликнинг оғир кечишига таъсир қилмаслигини маълум қилган эди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг