Коронавирусга қарши эмланиш жараёнидаги энг катта хато маълум қилинди
Коронавирусга қарши самаралилиги 95 фоизга баҳоланаётган АҚШнинг “Pfizer” компанияси вакцинасининг бир дозаси инфекциядан тўлиқ ҳимоя қила олмайди. Бунинг учун 12 кундан сўнг иккинчи дозани олиш керак.
Ушбу фикрларни “Pfizer” фармацевтика компаниясининг бош директори Альберт Бурла айтиб ўтди.
Унинг сўзларига кўра, агар беморга препаратнинг биргина инъекцияси юборилса, у фақатгина 50 фоиз ёки шунга яқинроқ кўрсаткич билан ҳимояланади, иккинчи доза эса ушбу кўрсаткични икки баравар оширади.
“Бу икки дозали вакцина бўлгани боис, одамлар 95 фоиз ҳимояланганлигига ишонч ҳосил қилишлари учун иккита дозани олишлари керак”, дейди Бурла.
Бурланинг алоҳида қайд этишича, хасталикка қарши бир инъекция билан эмлашга ҳаракат қилиш энг катта хатодир.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг