Фото: "Халқ сўзи"

Темур ЭШБОЕВ/«Халқ сўзи». 2021 йилдан буён алоҳида давлат муассасаси сифатида фаолиятини давом эттираётган «Навоий кон-металлургия комбинати жамғармаси» бугун ўз тасарруфида Навоий, Самарқанд, Жиззах вилоятлари ва Тошкент шаҳрида 5 та меҳмонхона ва уларнинг бўлинмалари, 9187 кишига мўлжалланган 39 та ётоқхона, 631 та хизмат хонадонларига эга.

Мазкур турар-жойларда «НКМК» АЖ, «Навоий уран» ДК, «НКМК жамғармаси» ишчи-хизматчилари истиқомат қилишиб, давлат муассасаси томонидан уй-жой коммунал хизматлари кўрсатилади.

— Жамғармамиз ва унинг ҳудудий бошқармалари томонидан 2023 йил январь — декабрь ойида ишчи ходимлар ва уларнинг оила аъзоларининг яшаш шароитларини яхшилаш мақсадида 944 нафарига ётоқхоналардан ўрин жойи ва хоналар ажратилди, — дейди муассасанинг Уй жой масалаларини мувофиқлаштириш бўлими бошлиғи З. Шамшиева. — Шунингдек, Жамғарма тасарруфидаги меҳмонхоналар томонидан 7793 нафар ишчи ходимларга 4 миллиард 398 миллион 600 минг сўмлик меҳмонхона хизматлари кўрсатилди.

Жамғарма меҳнаткашлари 18 апрель – Ўзбекистон Республикаси Уй-жой коммунал хизмат кўрсатиш соҳаси ходимлари кунини «Фарҳод» маданият саройида нишонладилар. Улар шарафига байрам дастурхони ёзилиб, меҳнат илғорлари тақдирланди. Жамғарма тасарруфидаги бадиий ҳаваскорлик дасталарининг концерт дастури даврага файз киритди.