Колумбия Ҳарбий ҳаво кучлари самолёти ҳалокати қурбонлари сони 70 нафарга яқинлашди
Колумбияда Hercules C-130 ҳарбий-транспорт самолёти ҳалокатга учраши оқибатида қурбон бўлганлар сони 69 кишига етди, деб хабар бермоқда ТАСС мамлакат Қуролли кучларига таяниб.
— Маълумотларни тўплаш ва текширишдан сўнг самолёт бортида 126 киши бўлганлигини аниқлаш имкони бўлди: Колумбия ҲҲКнинг 11 нафар экипаж аъзоси, 113 нафар қуруқликдаги қўшинлар хизматчиси ва икки нафар миллий полиция ходими. Улардан 57 нафари жароҳатланган ва афсуски, 69 нафари ушбу фожиали ҳодиса оқибатида ҳалок бўлган, — дейилади хабарда.
Қайд этилишича, жабрланганлар йирикроқ шаҳарлардаги, шу жумладан, пойтахтдаги шифохоналарга кўчирилган.
Эслатиб ўтамиз, ҳаво кемаси Пуэрто-Легисамо муниципалитетида ҳавога кўтарилганидан кўп ўтмай ҳалокатга учраган эди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг