Ким Чен Ин ваколатларининг бир қисмини синглисига топширди. Бу нимани англатади?
Шимолий Корея етакчиси Ким Чен Ин ўз ваколатларининг бир қисмини ёрдамчиларига топширди, шу жумладан, синглиси Ё Чжонга ҳам. Бу ҳақда Yonhap газетаси, Жанубий Корея миллий разведкаси тақдим этган маълумотга таяниб хабар берди.
«КХДР раҳбари Ким Чен Ин илгаригидек ўзининг мутлақ ҳокимиятини сақлаб қолмоқда, бироқ ҳокимият аста-секинлик билан топширилмоқда», - деб ёзди Yonhap.
Маълум қилинишича, Шимолий Корея етакчисининг синглиси Ким Ё Чжон давлатнинг умумий ишларига раҳбарлик қилмоқда. У «КХДРнинг иккинчи рақамли раҳбари» сифатида кўрилмоқда, бироқ Ким Чен Ин ўзининг ўринбосарини ҳали расман эълон қилмаган. Агентлик тақдим этган маълумотга кўра, Ё Чжон ҳокимиятнинг катта қисмини қабул қилиб олган.
Шу билан бирга, иқтисодий соҳадаги ваколатнинг бир қисми вазирлар маҳкамаси раиси Ким Док Хун ва Давлат кенгаши раиси ўринбосари Пак Бон Дюларга топширилган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг