Хитойнинг Сиань шаҳридан йўлга чиққан контейнер поездининг бугун Тошкентга етиб келиши кутилмоқда
Хитойнинг Сиямен бандаргоҳидан Эрон орқали Ўзбекистонга контейнер поезди ҳаракати йўлга қўйилди, деб хабар бермоқда «Дунё» АА мухбири.
«Ўзтемирйўлконтейнер» компаниясининг telegram канали маълум қилишича, Хитойнинг Сиямен портидан Ўзбекистоннинг Сергели станциясигача Эрон орқали биринчи контейнер поезди ҳаракати йўлга қўйилди. Таркибида маиший техника юклари (музлатгич, кир ювиш машинаси, газ плиталари) бўлган контейнерлар Хитойдан денгиз йўли орқали Бандар-Аббос бандаргоҳига олиб келинади ҳамда у ерда темир йўл платформаларига ортилган ҳолда Туркманистон орқали Ўзбекистонга кириб келади.
39 та 40 фут ҳажмидаги контейнерлардан ташкил топган мазкур поезд Бандар-Аббос портидан Сергели станциясигача 14 кунда етиб келиши белгиланган. Ҳозир контейнер поезди Ўзбекистон ҳудудига кирган бўлиб, Тошкент шаҳрига бугун етиб келиши режалаштирилган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг