Хитойда сунъий интеллект ёрдамида ёлғон хабар тарқатган шахс ҳибсга олинди
Хитойда 9 кишининг ҳаётига зомин бўлган поезднинг рельсдан чиқиб кетиши ҳақида ижтимоий тармоқларда ёлғон хабарлар яратгани ва тарқатгани учун полиция томонидан ҳибсга олинган эркак 10 йилга озодликдан маҳрум этилиши мумкин.
Сохта хабарда 25 апрель куни поезднинг рельсдан чиқиб кетиши оқибатида 9 киши ҳалок бўлгани айтилган эди. Хитой киберполицияси бу одамни “ёлғон маълумот яратиш учун сунъий интеллект технологиясидан фойдаланганликда” айбламоқда.
Полиция маълумотларига кўра, ҳибсга олинган шахс “ChatGPT“га ўтган йиллардаги бошқа машҳур мақолаларнинг парчаларини ёзиб, сохта ҳикоянинг турли версияларини яратганини тан олган. Янгиликни яратгандан сўнг, эркак ”Baidu“ платформасида яратган бир нечта блогларига янгиликларнинг турли талқинларини юклаган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг