Хитой ва Венгриядаги фармацевтика компаниялари Андижонда ишлаб чиқаришни ташкил қилишга катта қизиқиш билдирмоқда
Президент Шавкат Мирзиёев Хонобод шаҳрида бўлиб ўтаётган Андижон вилоятини ижтимоий-иқтисодий ривожлантиришнинг устувор вазифалари юзасидан йиғилишда фармацевтика масаласига ҳам тўхталиб ўтди.
Хитой ва Венгриядаги фармацевтика компаниялари Андижонга келиб, ишлаб чиқаришни ташкил қилишга катта қизиқиш билдирмоқда.
Мутасаддиларга ушбу мамлакатларнинг йирик компаниялари билан келишувга эришиб, мураккаб таркибли дори ва тиббий буюм ишлаб чиқариш лойиҳаларини амалга ошириш чораларини кўриш топширилди.
Жорий йилдан бошлаб четдан технолог олиб келиш, дориларни рўйхатдан ўтказиш ва транспорт харажатлари қоплаб берилади.
Таълимни ишлаб чиқариш билан боғлаб, вилоятда фармацевтика кластерини ташкил қилиш зарурлиги қайд этилди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг