Картингда наманганликлар пешқадам
Фото: "Халқ сўзи"
Ўзбекистон Республикаси мудофаасига кўмаклашувчи “Ватанпарвар” ташкилоти ташкил топганлигининг 30 йиллигига бағишлаб картинг бўйича Наманган вилоят очиқ биринчилиги Учқўрғон туманидаги замонавий картодромда ўтказилди. Мусобақада Тошкент шаҳри ва Наманган вилоятидан 13 та жамоага бирлашган 52 нафар спортчи майдонга тушди. Улар орасида 5 нафар қизлар ҳам бор.
Бу тоифадаги баҳсларда маҳорат ва тезкорлик ўз сўзини айтади. Якунда ихчам ва тезюрар уловни моҳирлик билан бошқаришда илғорлик қилган Уйчи туман ўқув спорт техника клуби жамоасига биринчи ўрин насиб этди. Наманган тумани ва вилоят амалий техник спорт мактаби жамоалари кейинги фахрли ўринларни эгаллади.
Қудратилла НАЖМИДДИНОВ. “Халқ сўзи”.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг