Канада яқинида Испания кемаси ҳалокатга учради. Қурбонлар бор
Фото: vesselfinder.com
Канада қирғоқларида Испаниянинг балиқчи кемаси ҳалокатга учради. Ҳозирча воқеа жойида 10 кишининг жасади топилган. Кемада жами 24 нафар денгизчи бўлган.
Дастлаб етти киши ҳалок бўлгани ҳақида хабар берилган эди. Кейинроқ Канада ва Португалия кемалари томонидан яна уч кишининг жасади сувдан олиб чиқилган. Қутқарувчилар қолган балиқчиларни қидиришда давом этмоқда.
«Ҳозиргача 3 нафар тирик қолган ва ўн нафар ҳалок бўлганларнинг шахси аниқланди», дейилади Канада денгиз қутқарув хизмати маълумотида.
Испаниянинг "Villa de Pitanxo" номли кемаси Терра-Нова (Канада) оролидан 450 километр узоқликда чўкиб кетган. Фожиа юз берган вақтда кемада 24 киши бор эди. Улардан 16 нафари Испания, беш нафари Перу ва уч нафари Гана давлати фуқаролари ҳисобланади.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг