Фото: AP

Исроил Яман аэропортига ҳужум қилди. Ҳусий матбуотининг хабар беришича, аэропортга қилинган ҳужумларда уч киши ҳалок бўлган ва Исроил муҳим порт шаҳри Ҳудейдага зарба берганидан кейин яна уч киши қурбон бўлган.

“Жаҳон соғлиқни сақлаш ташкилоти бош директори у ерга парвоз қилмоқчи бўлганини айтганида, Исроил ҳаво ҳужумлари тўлқини Яманнинг асосий аэропортига йўналтирилган. Натижада Бирлашган Миллатлар Ташкилоти самолёти экипажларидан бири яраланди”, — дейди ЖССТ раҳбари Тедрос Гебрейисус.

“Биз Санадан учаётганимизда аэропорт ҳаводан бомбардимон қилинди. Самолётимиз экипаж аъзоларидан бири жароҳат олди”, — деган у.

Исроил томонидан воқеага ҳеч қандай изоҳ берилмаган.

БМТ матбуот котиби Стефани Тремблайнинг журналистларга айтишича, делегация Ямандаги гуманитар вазият бўйича музокараларни эндигина якунлаган ва БМТнинг ҳибсга олинган ходимларини озод қилиш бўйича музокаралар олиб бормоқда.

Пайшанба куни Ҳусийлар ҳужумга тезда жавоб беришга ва эскалациянинг кучайишига қарши туришга тайёр эканликларини айтишди. Исроил Бош вазири Бенямин Нетаньяҳу эса Исроил Ҳусийларга қарши кампаниясини эндигина бошлаётганини айтди.

Ўтган ҳафта Исроил самолётлари Сана ва Ҳудайдани бомбардимон қилган ва тўққиз киши ҳалок бўлди. Америка Қўшма Штатлари ҳарбийлари ҳам сўнгги кунларда Ямандаги гуруҳни нишонга олган.