Фото: Reuters

Исроил ва ҲАМАС ўт очишни тўхтатиш бўйича музокараларни 17 март куни қайта бошлаши мумкин.

Исроил ва Фаластиннинг ҲАМАС ҳаракати ўртасида ўт очишни тўхтатиш ва гаровга олинганларни озод қилиш бўйича музокараларнинг кутилаётган санаси маълум бўлди.

«Associated Press» хабарига кўра, музокаралар 17 март, якшанба кунига белгиланган ва улар Миср пойтахти Қоҳирада бўлиб ўтиши керак. Миср расмийларининг билдиришича, ҲАМАС уч босқичли режа ва Ғазо секторида гаровда турган 35 нафар, жумладан, аёллар, беморлар ва кексаларни озод қилиш бўйича таклиф тайёрлаган. Улар учун ҲАМАС Исроилда сақланаётган 350 кишини озод қилишни талаб қилмоқчи.

Манбанинг ёзишича, Фаластин ҳаракати, шунингдек, 50 нафар гаровга олинганлар эвазига камида беш нафар аёл аскарни озод қилишни режалаштирган. Шу билан бирга, Исроил томони гуманитар ёрдам ва фаластинликларнинг анклав шимолига қайтиши учун эркин фойдаланиш имкониятини яратиш учун «икки асосий йўлдан чекиниши» керак бўлади.

Режанинг иккинчи босқичида ҳар икки томон ҳам доимий ўт очишни тўхтатиш бўйича келишиб олиши керак, учинчисида эса ҲАМАС ҳозирда Фаластин ҳаракати қўлида бўлган жасадларни топширади ва Исроил Ғазо блокадасини бекор қилади.

Қайд этилишича, музокаралар 18 мартга кўчирилиши мумкин.