ИШИДнинг Ироқдаги раҳбарларидан бири йўқ қилинди — ОАВ
АҚШ бошчилигидаги коалициянинг ҳаво ҳужуми натижасида Ироқда ИШИД раҳбарларидан бири йўқ қилинган. Бу ҳақда "The New York Times" нашри ҳар икки мамлакат вакилларига таяниб хабар бермоқда.
Манбага кўра, ҳаводан берилган зарбалар натижасида Ироқнинг Киркук шаҳри яқинида Абу Ясир номи билан танилган 43 ёшли Жаббор Салмон Али Фархон ал-Иссавий йўқ қилинган. Уни Ироқда ИШИД ҳаракатларини мувофиқлаштирувчи бўлгани айтилади.
Амалиёт давомида яна тўққиз нафар террорчи йўқ қилинган. Ҳарбий ҳаракатларда АҚШ ҳарбийларидан ташқари Ироқ хавфсизлик хизмати кучлари ҳам иштирок этган.
21 январь куни Бағдод марказида иккита худкуш-террорчи томонидан портловчи қурилмани ҳаракатга келтирилиши оқибатида камида 32 киши ҳалок бўлган, яна 110 нафар одам тан жароҳати олган. Хунрезликни ИШИД ўз зиммасига олган эди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг