Инсоният ва табиат ўртасида уруш кетмоқда — БМТ
Иллюстратив фото
«Биохилма-хиллик ҳақида гап кетганда, биз табиат билан урушдамиз. Биз у билан тинчлик ўрнатишимиз керак, чунки табиат Ердаги ҳамма нарсага боғланган».
БМТнинг Атроф-муҳит дастури ижрочи директори Ингер Андерсен сайёрамиздаги ёввойи табиатнинг хилма-хиллигини сақлашга бағишланган йирик конференция (COP15) арафасида шундай баёнот берди.
Андерсен, шунингдек, дунё аҳолиси саккиз миллиард кишига етганини таъкидлаб, бола туғилишини ажойиб воқеа эканини, бироқ аҳоли сони кўпайгани сайин сайёрада босим кучайиб бораётганини қўшимча қилди.
Олдинроқ, Бирлашган Миллатлар Ташкилоти Бош котиби Антониу Гутерриш БМТнинг иқлим бўйича конференциясида инсоният тўлиқ тезликда «иқлим дўзахи»га қараб кетаётганини айтиб ўтган эди. У оқибатлар шундай бўлишидан огоҳлантириб, давлатларни иссиқхона газлари эмиссиясини камайтириш бўйича қўшимча ҳаракатлар кўриши зарурлигини таъкидлаган эди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг