Илья Сибирцев учта медалга сазовор бўлди
АҚШнинг Калифорния штатида сузиш бўйича “TYR Pro Swim Series” халқаро мусобақаси ташкил этилди. Ушбу беллашувда Ўзбекистон терма жамоаси вакили Илья Сибирцев фаол қатнашди.
Мусобақанинг 400, 800, 1500 метрлик масофаларга эркин усулда сузиш баҳсларида ҳамюртимиз уч бор кумуш медалга сазовор бўлди. Шунингдек, сузувчимиз 200 метрга эркин усулда сузиш мусобақасида ҳам иштирок этиб, маррага олтинчи бўлиб етиб келди.
Маълумот учун, “Париж — 2024” Олимпия ўйинлари иштирокчиси Илья Сибирцев Иллинойсда (АҚШ) март ойида ўтган “TYR Pro Swim Series” мусобақасининг 200 метр масофага эркин усулда сузиш беллашувида шоҳсупанинг учинчи поғонасидан жой олганди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг