ИИБ қидирувидаги шахс Навоийда қўлга олинди
Иллюстратив фото
Фирибгарлик жиноятини содир этганликда айбланиб, қидирув эълон қилинган шахс Навоий вилоятида қўлга олинди. Бу ҳақда Бухоро вилоят ИИБ хабар берди.
Маълум қилинишича, Ғиждувон тумани «Зарангари» маҳaлласида рўйхатда турувчи Т.Ю. исмли фуқаро муқаддам Жиноят Кодексининг 168-моддаси (фирибгарлик) 3-қисмида кўрсатилган жиноятни содир этиб, терговдан яширинган. Шундан сўнг унга нисбатан туман ИИБ қидирув эълон қилган.
Бухоро вилоят ИИБ ходимлари томонидан олиб борилган қидирув ишлари натижасида Т.Ю. Навоий вилояти Кармана туманидаги манзиллардан бирида яширингани аниқланиб, қўлга олинган.
Манбага кўра, мазкур шахс ҳозирда тергов ҳибсхонасига жойлаштирилган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг