"Ҳусанов катта иқтидор. "Сити"дек катта клубда ўйнамоқда, аммо футболни 11 киши ўйнайди"
Кеча, 26 март куни FIFA Series мусобақаси олдидан Габон терма жамоаси бош мураббийи Анисе Яла матбуот анжуманида иштирок этди.
У анжуманда Ўзбекистон миллий терма жамоаси ҳақида қуйидаги фикрларни билдириб ўтди:
"Терма жамоангиз кучли футболчиларга эга. Албатта, "Сити" ўйинчисини бутун дунё танийди. Шунингдек, кўплаб ёш ва иқтидорли футболчилар мавжуд. Терма жамоа шунчаки Жаҳон чемпионатига чиқиб қолмайди. Бундай рақибга қарши ўйнаш биз учун чақирув бўлади.
Ҳусанов катта иқтидор. "Сити"дек катта клубда ўйнамоқда, аммо футболни 11 киши ўйнайди. Тактик жиҳатдан унинг кучли жиҳатларини бартараф этишга ҳаракат қиламиз".
Эслатиб ўтамиз, Ўзбекистон ва Габон терма жамоалари ўртасидаги ўйин бугун соат 19:00 да старт олади.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг