Ҳасан ПАЙДОЕВ - "Ҳалқ сўзи"

Қамаши — ўзининг иқтисодий салоҳияти ва бошқа турли соҳаларда улкан имкониятларга эга ҳудудлардан бири. Халқи меҳнаткаш, танти ва самимий. Бу эса улар билан ишлашда кишига ўзгача завқ беради.
Туман прокурори, яъни 2-сектор ҳудудида 14 маҳалла фуқаролар йиғини мавжуд бўлиб, ушбу маҳалла фуқаролар йиғини аҳоли сони 59557 нафарни ташкил қилади.  Ўтган йили пандемия бўлганлиги боис, давлатимиз раҳбари ташаббуси билан ижтимоий-иқтисодий қийинчиликка учраган 1520 нафар фуқаролар “темир дафтар”га киритилди.
Ушбу оилаларнинг бандлигини таъминлаш, моддий жиҳатдан қўллаб-қувватлаш ҳамда кўрсатилган бошқа ёрдамлар натижасида маҳаллий Кенгашлар қарорлари асосида 1 минг 495 та оила эҳтиёжмандлар рўйхатидан чиқарилди. Ҳозирги кунда ана шундай оилаларнинг 25 тасига мунтазам равишда ижтимоий кўмак берилиб келяпмиз.

Президентимизнинг ёшларни ва хотин-қизларни қўллаб-қувватлаш мақсадида ташкил қилинган “аёллар дафтари”га 422 нафар хотин-қиз ҳамда “ёшлар дафтари”га 865 нафар ёш киритилган. Бугунги кунда “аёллар дафтари”га киритилган хотин-қизларнинг барчасига ижтимоий-иқтисодий ёрдамлар кўрсатилиб, белгиланган режа ижроси 100 фоизга таъминланган.
“Ёшлар дафтари” бўйича ҳам тизимли иш олиб боряпмиз. Олиб борилган саъй-ҳаракатларимиз сабаб 571 нафар ёш бандлиги таъминланди. Уларнинг аксарияти тадбиркорликка жалб қилинди, субсидия асосида турли хил жиҳозлар ҳам олиб берилди. Натижада улар “ёшлар дафтари”дан чиқарилди. Бу борадаги ишлар давом эттириляпти.      
Бугун биз, прокуратура ходимлари кабинатда ўтириб эмас, аксинча, уйма-уй юриб, одамларнинг муаммоларини тинглаяпмиз, уларни жойида ҳал этиш чораларини кўряпмиз. “Ҳаракатга — баракат” деганларидай, бу ишларимиз зоя кетаётгани йўқ. 
Туман прокуратураси ташаббуси билан “Ўзбекистон” маҳалла фуқаролар йиғинида яшовчи У. Сафаровга тегишли “Буюк болалар” уй боғчаси ташкил қилинган бўлиб, ушбу боғчада ҳозирги кунда 120 нафар болажонлар тарбия олмоқдалар, ушбу уй боғчасига туман прокурори кўмаги билан ҳар хил турдаги мебел жиҳозлари берилиши таъминланган.

Шунингдек, 2-сектор ҳудудидаги “Ўзбекистон” маҳалла фуқаролар йиғинида жойлашган “WORLD QUALITY” мебел ишлаб чиқариш МЧЖга банкдан 300 млн. сўм кредит маблағлари олиб берилишида амалий ёрдам берилиб, натижада “WORLD QUALITY” мебел ишлаб чиқариш МЧЖ ўз фаолиятини кенгайтирди. 
Бу билан нафақат тадбиркорлик иши ривожланди, балки “ёшлар дафтари”га киритилган ишсиз ёшларнинг ҳам бандлиги таъминланди. Бугунги кунда бир нечта ана шундай ёшлар “WORLD QUALITY” мебел ишлаб чиқариш МЧЖга ишга жойлаштирилган. Бу ҳали ҳаммаси эмас, албатта. Секторимиз ҳудудидаги “Улуғбек” маҳалла фуқаролар йиғинида жойлашган Раҳматилла Муродовга тегишли темирчилик цехи фаолият юритиб келаётир. Фаолиятини янада кенгайтиришни мақсад қилиб, йил бошида ушбу Р. Муродовга йил бошида имтиёзли кредит олиб бердик. Буям қўшимча иш ўринлари яратилишига асос бўлди. Натижада ушбу цехга “ёшлар дафтари”га киритилган 12 нафар ёш ишга қабул қилинди. 

Бундан ташқари, ҳудудимиздаги “Баландчайла” маҳалла фуқаролар йиғинида жойлашган касб-ҳунар коллежи биносидан якка тартибдаги тадбиркор Мақсуда Суюновага 3 та хона ажратиб бердик. Шу туфайли бу ерда тикувчилик цехи ташкил қилинди. Ушбу тикувчилик цехида 1 нафар малакали устозга “устоз — шогирд” анъанаси асосида 5 нафар “ёшлар дафтари”га киритилган ёшлар бириктирилган бўлиб, 6 нафар хотин-қизлар тикувчилик билан шуғулланиб келмоқда. 
“Ёшлар дафтари”га киритилган 2 нафар хотин-қизга тикув машиналари субсидия асосида олиб берилди. Бу уларга амалий ёрдам бўлди. 
Мазкур тикувчилик цеҳида йил бошидан буён 10 дан зиёд хотин-қизлар тикувчилик йўналишида сабоқ олишган бўлиб, ҳозирда ўзлари мустақил тикувчилик билан шуғулланишга тўлиқ тайёр бўлишган. Умуман олганда, ҳамкорликда ишлашда ҳикмат кўп. Қайсидир тадбиркорлик субъекти ёки ишбилармон фуқарога фаолиятини кенгайтиришга ёхуд уларни қийнаётган бирорта муаммоси ечимига ёрдам берсак, албатта, улар ҳам қараб туришмайди. Шунга жавобан махсус дафтарларда рўйхатга киритилган ёшларни, хотин-қизлар ва фуқароларни ёнига олиб, иш билан таъминлашда кўмаклашади.

Бугунги кунда фаолиятимиз ана шундай ҳамкорлик асосида давом этмоқда.  

Баҳриддин БАҲОДИРОВ,
Қамаши тумани прокурори.