Ҳамкасбимизни қутлаймиз!
Ўзбекистон Республикаси давлат мустақиллигининг ўттиз тўрт йиллик байрами муносабати билан “Ватан учун, миллат учун, халқ учун!” бош ғояси асосида ўтказилган “Энг улуғ, энг азиз” анъанавий кўрик-танловининг республика босқичида “Босма ОАВ ходимларининг энг яхши журналистик ишлари” номинацияси бўйича “Халқ сўзи” газетаси катта мухбири Нуриллоҳ Остонов 2-ўрин ғолиби бўлди.
Ҳамкасбимиз бундай юксак эътирофга мамлакатимизда амалга оширилаётган ислоҳотлар, ижтимоий-иқтисодий, маънавий-маърифий соҳалардаги ижобий ўзгаришлар ҳақида эълон қилган долзарб публицистик мақолалари туфайли эришди.
“Халқ сўзи” ва “Народное слово” газеталари таҳририяти номидан қалами ўткир журналист Нуриллоҳ Остоновни “Энг улуғ, энг азиз” анъанавий кўрик-танлови ғолиби бўлгани билан қутлаймиз!
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг