Гонконг карантин муддатини узайтирди. Нега?
Фото: www.google.com
Коронавирус эпидемияси сабабли Гонконг ҳукумати томонидан киритилган чекловлар яна 7 майгача узайтирилди. Аслида, бу 23 апрель куни тугаши лозим эди. Бу ҳақда Гонконг маъмурияти раҳбари Кэрри Лам маълум қилди.
“Ҳозир қувонишнинг вақти эмас. Агар сал бўшашсак, барча қилган ишларимиз чиппакка чиқади”, деди Лам.
Шунингдек, Ламнинг айтишича, айрим чоралар юмшатилади.
Кеча Гонконгда март ойидан буён илк бор коронавирус юқтириш билан боғлиқ бирорта ҳам ҳолат қайд этилмади. Январдан бери бу ерда 1025 киши коронавирусга чалинган ва тўрт киши вафот этган эди.
Гонконг бунга назорат чоралари орқали эришди. Тўғри, ҳукумат қатъий карантин жорий этмади, аммо кўпчилик уйидан туриб ишламоқда. Ҳозирда мактаблар, спорт заллари ва кўнгилочар масканлар ёпиқ бўлиб, хориждан кириш ҳам тақиқланган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг