Ғазода Фаластин давлатининг ташкил этилиши Исроил учун энг яхши хавфсизлик кафолати — Жозеп Боррель
Фото: Reuters
Фаластин давлатининг ташкил этилиши ва унинг Ғазо сектори устидан назорати Исроил учун хавфсизликнинг энг яхши кафолатидир.
Ушбу фикрларни Европа Иттифоқининг ташқи ишлар ва хавфсизлик сиёсати бўйича Олий вакили, Европа комиссияси Вице-президенти Жозеп Боррель “Financial Times“ газетасига берган мақоласида айтиб ўтди.
Унинг фикрича, Ғазо бутун минтақани беқарорлаштириши мумкин бўлган назоратсиз қуролли гуруҳлар қўлига ўтиб кетишининг олдини олиш учун бу ҳудуд ўз халқи вакили бўлган давлат томонидан бошқарилиши керак.
Боррель, шунингдек, Фаластин маъмуриятини заифлаштирмаслик зарурлигини таъкидлади.
Аввалроқ, Европа Иттифоқи ташқи сиёсат хизмати раҳбари Исроил президенти Ицхак Герцог билан суҳбатида, Фаластин тарафдори эканини айтган эди.
“Биз президент Герцог билан учрашдик. Яхши ўтди. Шундай эдики, мен бир оз Фаластин тарафдориман, шунинг учун мулоқот совуқроқ бўлишидан ҳадиксирагандим, лекин йўқ, бундай бўлмади”, деганди Боррель ушбу мулоқот ҳақида.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг