Франциядаги президентлик сайловларида Эммануэль Макрон ғалаба қозонди
Фото: peopletalk.ru
Франциянинг амалдаги президенти Эммануэль Макрон президентлик сайловларининг иккинчи босқичида ғалаба қозонди.
Сайлов бюллетенларининг 90 фоизини қайта кўрилгандан сўнг Макрон 56,54 фоиз, унинг рақиби, ўта ўнгчи номзод Марин Ле Пен 43,46 фоиз овоз олди.
Сайлов участкалари ёпилгач, дарҳол француз ОАВлари сайлов участкаларининг дастлабки натижалари ва бир нечта компанияларнинг экзит-полл маълумотлари комбинациясига асосланиб, Макрон 57,6 фоиз овоз тўплагани ҳақида хабар тарқатди.
Макрон Эйфел минораси этагидаги Чамп де Марсда тарафдорлари олдида қилган чиқишида французларга миннатдорчилик билдирди ва уларни қийин давр кутаётганини айтди.
«Бизни кутаётган йиллар, албатта, хотиржамлик билан ўтмайди. Лекин улар тарихда қолади», — деган у.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг