Архив сурат

Жорий йилнинг 6 июль, чоршанба куни «Fitch Ratings» рейтинг агентлиги «Artel Electronics Group» рейтингини «Б» даражасида, «Барқарор» прогнози билан тасдиқлади.

Рейтингни белгилашда «Fitch Ratings» компаниянинг «ички бозордаги етакчи мавқеи»ни қайд этиб, компаниянинг корпоратив бошқарувдаги «сезиларли яхшиланиши»ни юқори баҳолади. Шунингдек, рейтингда «Artel»нинг экспортдаги сотувлари ўсиши ва хорижий валютага боғлиқ харажатлар таркиби яхшилангани ҳам ҳисобга олинди.

Ўтган йили компаниянинг дебют рейтингида «Artel» Ўзбекистондаги биринчи хусусий ишлаб чиқариш компанияси бўлди ва «Катта учлик» халқаро рейтинг агентликларидан бирининг кредит рейтингини олди.

Кредит рейтинги компаниянинг қарз олувчи сифатидаги мавқеининг мустақил ўлчовидир. У компаниянинг молиявий ҳамда тижорат ҳолатини тўлиқ баҳолашдан сўнг амалга оширилади. Шунингдек, у ўтган йиллардаги прогнозлар ҳамда географик ва геосиёсий жиҳатларни ҳисобга олади.

Ўтган йили «Artel» Ўзбекистондаги биринчи хусусий ишлаб чиқариш компанияси бўлди ва «Катта учлик» халқаро рейтинг агентликларидан бирининг кредит рейтингини олди. Ўзбекистонда сўнгги пайтларда амалга оширилган бизнес ислоҳотлари «Artel» каби хусусий компанияларга қайта қуриш, халқаро молиявий имкониятлардан фойдаланиш ва хориж бозорларини очиш имконини берди. 2022 йилда компания Тошкент фонд биржасида илк облигацияларини чиқарди. (T)