Финляндияда коронавирусга тест топшириш ва эмлашдан бош тортганлар қамоқ жазосига маҳкум этилади
Финляндия ҳукумати COVID-19га тест топшириш ва эмлашдан бош тортганлик учун жарима ёки уч ойгача қамоқ жазосини жорий қилмоқда. Бу ҳақда РИA нашри хабар бермоқда.
Маълум бўлишича, қонун лойиҳаси Соғлиқни сақлаш вазирлиги томонидан мамлакат парламентига тақдим этилган.
Қонун лойиҳасида аэропортда мажбурий тиббий кўрикдан ўтказиш имконияти кўзда тутилган. Уни топширишдан бош тортганларга нисбатан ушбу санкциялар қўлланилади.
Қонун мамлакат президенти томонидан қабул қилиниши ва тасдиқланиши режалаштирилган. У 22 февраль куни кучга киради.
Эслатиб ўтамиз, кеча Финляндияда коронавируснинг янги штамми аниқлангани ҳақида хабар берган эдик.
Британияда эса илмий тажриба учун 90га яқин кишига коронавирус атайлаб юқтирилади.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг