«Фенербахче» Туркия Суперкубогини қўлга киритди
Кеча, 10 январ куни Истанбул шаҳридаги «Отатурк Олимпия» стадионида Туркия Суперкубоги учун ўйин ташкил этилди. Унда мамлакатнинг амалдаги чемпиони «Галатасарой» клуби «Фенербахче» билан куч синашди.
Учрашув «Фенербахче» клубининг 2:0 ҳисобидаги ғалабаси билан якунланди. Голларга Жейден Оостерволде ва Маттео Гендузи муаллифлик қилди.
Шу тариқа, «Фенербахче» жамоаси ўз тарихида 10 марта Туркия Суперкубогини қўлга киритди. Шунингдек, жамоа 5 та ўйиндан кейин яна ўзининг азалий рақиби «Галатасарой»ни мағлуб этишни уддалади.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг