Фарғонада Россия томонида туриб Украинага қарши жанг қилган шахсга ҳукм ўқилди
Фарғона вилоятида ёлланишда айбланаётган эркак озодликдан маҳрум этиш жазосига ҳукм қилинди. Бу ҳақда жиноят ишлари бўйича Ўзбекистон тумани судининг қарорида сўз боради.
Аниқлик киритилишича, 39 ёшли айбланувчи Р. Э. 2024 йил сентябрь ойида Россияга ишлаш учун кетган. У ерда эркак Россия Қуролли Кучлари билан шартнома имзолаган, шундан сўнг Донецк вилоятидаги ҳарбий қисмга юборилган ва у ерда 2025 йил ноябрь ойига қадар хизмат қилган.
Шартнома муддати тугагач, у Ўзбекистонга қайтиб келган ва ҳуқуқ-тартибот идоралари ходимлари томонидан қўлга олинган.
Суд мажлисида эркак қурилишда ишлаганини баён қилди. Таниши унга ҳайдовчилик ишини таклиф қилган. Унинг сўзларига кўра, у ҳужжатларни мазмунини тушунмаган ҳолда имзолаган.
Судланувчи жанговар ҳаракатлар зонасида мудофаа иншоотларини қуриш ва окоплар қазиш билан шуғулланганини қайд этди. Хизмати учун у тахминан 2 млн рубль миқдорида маблағ олган.
Суд уни Жиноят кодексининг 154-моддаси (Ёлланиш) бўйича айбдор деб топди ва уч йил муддатга озодликдан маҳрум қилиш жазосини тайинлади.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг