Фарғонада ўғри қаровсиз қолган «Дамас»ни тўнаб кетди
Фарғона вилоятида «Дамас» русумли автомашинадан пул ва радар детекторини ўғирлаган ўғри қўлга олинди, деб хабар берди вилоят ИИБ матбуот хизмати.
Маълумотларга кўра, воқеа 6 июль куни деҳқон бозорларидан бирига яқин жойда содир бўлган. Автомобиль эгаси уни қаровсиз қолдирган ва қайтиб келганида 200 минг сўм пул ва антирадар йўқолганини аниқлаган.
Ҳуқуқ-тартибот идоралари ходимлари жиноятчини қўлга олди. Мазкур ҳолат юзасидан Жиноят кодексининг 169-моддаси (Ўғирлик) билан жиноят иши қўзғатилган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг