Европа ва АҚШда коронавирус туфайли қўйилган чекловлар қачон бекор қилиниши маълум қилинди
Фото: AP
Коронавируснинг тарқалиши сабабли Европада ва АҚШда жорий қилинган чеклов чоралари ёз охиригача олиб ташланиши мумкин.
Бу башоратни Германиянинг "BioNTech" биоинженеринг компанияси бош директори Угур Шаҳин "Welt am Sonntag" нашрига берган интервьюсида айтиб ўтди. Маълумки, ушбу компания АҚШнинг йирик фармацевтика "Pfizer" компанияси билан ҳамкорликда коронавирусга қарши вакцина ишлаб чиққан ва бугунги кунда кенг қўлланилмоқда.
"Ўша пайтга бориб, вирус тарқалишида "портлаш" ва мутациялар бўлиши мумкин. Лекин улар бизни қўрқитмайди”, дейди у.
Шаҳиннинг изоҳлашича, коронавирус бутунлай йўқ бўлиб кетмайди ва вазият устидан назоратни тиклаш учун камида яна бир йил керак бўлади.
17 март куни Европа Комиссияси раҳбари Урсула фон дер Ляйен Европада коронавирус билан боғлиқ вазият ёмонлашганини маълум қилди. Унинг қайд этишича, бу эмлаш тезлигининг пасайиши билан боғлиқ.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг