Эртага Болалар китоби ҳафталигига старт берилади
Иллюстратив фото
Ахборот ва оммавий коммуникациялар агентлиги тизимидаги Алишер Навоий номли Ўзбекистон Миллий кутубхонасида 2 апрель — Халқаро болалар китоби куни муносабати билан 2 — 5 апрель кунлари “Болалар китоби ҳафталиги” бўлиб ўтади. Бу ҳақда Агентликнинг “Телеграмм” ижтимоий тармоғидаги расмий каналида хабар қилинди.
Ҳафталик доирасида қуйидаги тадбирлар ўтказилиши режалаштирилган:
2 апрель соат 10:00 ва 14:00 да
“Ижод” ўқув залида кутубхона бўйлаб саёҳат;
3 апрель соат 10:00 да
- “Мовий жомадон билан бирга. Эртактерапия” лойиҳаси асосида кутубхона ходимларининг Тошкент шаҳридаги мактабгача таълим муассасаларига ташрифи;
- “Юбиляр эртак китоблари меҳмонда” мавзуида эртаклар оламига саёҳат;
- “Топган топалоқ” номли топишмоқлар мусобақаси;
- “Эртакдаги қаҳрамонни топ” номли мусобақалар бўлиб ўтади.
соат 12:00 да
- Ўзбекистон халқ шоири Анвар Обиджон асарларини овозли ўқиш ва ўқилган асарлар муҳокамаси;
- “Рус масалнависи Иван Криловнинг масаллари саҳифаларда” мавзуидаги давра суҳбати;
4 апрель соат 10:00 да
Тошкент шаҳридаги 59 ҳамда 244-мактабларда “Кутубхона сайёраси бўйлаб саёҳат” ҳамда “Нима? Қаерда? Қачон?” номли викторина;
5 апрель соат 10:00 ва 12:00 да
“Ижод” ўқиш залида “Севимли китобим муқоваси” ҳамда ёрма (крупа)дан расм тайёрлаш бўйича маҳорат дарслари бўлиб ўтади.
Барчани тадбирларда фаол иштирок этишга таклиф қиламиз!
Қўшимча маълумотлар учун: 99 000 53 20.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг