16 майдан Тошкент ҳайвонот боғи ўз фаолиятини қайта бошлайди
Тошкент шаҳридаги ҳайвонот боғи 16 май, шанба кунидан қайта очилиши сабабли ота-оналар ва уларнинг фарзандларини ўз бағрига чорлади.
“Ҳайвонот боғимиздаги жониворлар: жирафалар, бегемотлар, филлар ва бошқа ҳайвонлар сизларни соғинган ва учрашувни интиқ бўлиб кутмоқда. Биз эса саёҳатни севувчи ёш ташриф буюрувчилар юзида табассум ва қувончни кўрмоқчимиз. Ҳайвонлар салтанатига ташриф буюриб унутилмас таассуротларга эга бўласиз, деган умиддамиз. Сизларни катта-кичик, ажойиб мавжудотлар жамланган ҳайвонот боғимизда кутиб қоламиз”, — дейилади Тошкент ҳайвонот боғининг “Telegram”даги каналида.
Эслатиб ўтамиз, Тошкент ҳайвонот боғи 19 мартдан бошлаб коронавирус сабаб вақтинчалик ёпилганди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг