Эрон ТИВ: Минабдаги мактабга иккита Tomahawk ракетаси билан зарба берилган
Эроннинг Минаб шаҳридаги мактабга берилган зарба АҚШнинг иккита Tomahawk ракетаси орқали амалга оширилган. Бу ҳақда Эрон ТИВ вакили Исмоил Бақоий маълум қилди.
— Улар Минабда қирғинбарот уюштиришди. Иккита Tomahawk’дан фойдаланишди. Бундан кўзланган мақсад шунчаки максимал даражада кўп қурбонлар келтириш эди. Улар 170 га яқин беайб инсонларни ўлдиришди, уларнинг аксарияти болалардир, — деди Бақоий Италиянинг Corriere della Sera газетасига берган интервьюсида.
Аввалроқ The New York Times нашри мактабга берилган зарба жойидан топилган қолдиқлар уларнинг Америка ракетасига тегишли эканини тасдиқлаши ҳақида ёзган эди.
Эслатиб ўтамиз, зарба қизлар учун мўлжалланган бошланғич мактабга берилган. Эрон Таълим вазирлиги 175 киши ҳалок бўлганини маълум қилди.
Мактаб жойлашган бино 2013 йилдан 2016 йилгача бўлган даврда ҳарбий базадан тўсиқ билан ажратилган эди. Бино яқинида илгари мавжуд бўлган кузатув миноралари демонтаж қилинган, мактаб учун учта кириш йўли очилган, ҳудуд тозаланиб, асфальтда ўйин майдончалари чизилган эди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг