Фото: www.tagesspiegel.de

Туркия етакчиси Режеп Таййиб Эрдўғон 2023 йилнинг июнь ойида бўлиб ўтадиган сайловларда учинчи марта Туркия президентлиги учун курашади. Бу ҳақда Миллий ҳаракат партияси (МҲП) раҳбари Девлет Бахчелига айтиб ўтди.

Эрдўғон сайловларда ҳукмрон Адолат ва Тараққиёт партияси (АКП) ва МҲПнинг бирлашмаси бўлган «Халқ иттифоқи» партиясидан вакиллик қилади. Бахчелига кўра, Эрдўғоннинг қайта сайланиши учун ҳеч қандай тўсиқ йўқ.

«Президентликка номзодимиз аниқ, бу Режеп Таййип Эрдўғон. 2023 йил июнь ойида бўлиб ўтадиган сайловларда жаноб Эрдўғоннинг катта фарқ билан ғалаба қозонишига ишонаман. Президент камида учинчи муддатга сайланиши учун қўлимиздан келганини қиламиз», дейди МҲП раҳбари.

Аввалроқ, Туркия раҳбари ва унинг рафиқаси коронавирус юқтириб олгани ҳақида хабар берган эдик. Эрдўғон касалликнинг енгил кечаётганини қайд этиб, ўз вазифаларини уйдан туриб бажараётганини таъкидлади.

Маълумот учун айтиб ўтамиз, 67 ёшли Режеп Таййип Эрдўғон 2014 йилнинг 10 август куни бўлиб ўтган президентлик сайловларида ғолиб чиқиб, 28 августдан давлат раҳбари вазифасини бажаришга киришган эди.