Экспорт кўлами тобора ортмоқда
Саминжон ҲУСАНОВ/«Халқ сўзи». Мамлакатимизда қишлоқ ҳудудларига саноат корхоналарининг олиб кирилиши ишлаб чиқариш кўлами ва экспорт салоҳиятининг ортишига хизмат қилмоқда. Биргина, Олтинкўл туманида 20 та корхона бир йилда 90 млн. долларлик маҳсулотни хорижга экспорт қилаётгани бунга мисолдир.
— Фабрикамизда шу кунгача 500 турдаги кийим-кечаклар ишлаб чиқарилган, — дейди «Mubina grand tekstil» иш юритувчиси Ниҳола Қурбонова. — Харидорларимизнинг аксариятини чет эллик ҳамкорларимиз ташкил этади. Шу боис йилнинг ўтган даври мобайнида 2 млн. долларлик маҳсулотни хорижга экспорт қилдик. Талабгорлар сони тобора ортиб бормоқда. Бу ишлаб чиқариш ҳажмини орттириш, янги иш ўринларини яратиш имконини бермоқда. Айни пайтда жамоамизда 100 нафар хотин-қизлар фаолият олиб бораётган бўлса, истиқболли лойиҳаларни ишга тушириш орқали уларнинг сони яна 150 нафарга ортиши кўзда тутилган.
Бу каби ютуқлар замирида республикамизда тадбиркорлар учун қулай шароит яратилиб, манфаатли имтиёзлар қўлланилаётганлиги мужассам.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг