Эйфель минорасининг ташқи кўриниши тилла рангига ўзгартирилади
2024 йил бўлиб ўтадиган Олимпия ўйинларига тайёргарлик кўриш доирасида Париждаги Эйфель минораси кенг миқёсда реконструкция қилиниб, у тўлиқ тилла рангга киради. Бундан олдин 1968 йилда ушбу иншоот кўриниши жигарранг занг тусидан олтин рангига ўзгартирилган эди.
Time Out манбасига кўра, ўтган йили бошланган навбатдаги бўяш ишлари 50 млн. еврога тушади. Ранг бериш ишлари 2022 йилда якунланади ва шундан сўнг унинг атрофидаги парк ҳам реконструкция қилинади.
Минора тусини ўзгартириш учун 19 қатламдан иборат эски бўёқларни кўчириб ташлаш керак. Шундан сўнг бино оғирлиги ҳам анча енгиллашиб қолар экан.
Франция пойтахти дурдонаси саналадиган Эйфель 18 мингта металл деталлардан иборат бўлиб, улар бир-бирига 2,5 млн. та парчин мих билан маҳкамлаб чиқилган.
Янги бўяш ишларига 60 тонна бўёқ сарфланади. Бу унга мафтункор қиёфа бериш йўлидаги иккинчи тадбирдир. Бундан олдин ҳар етти йилда амалга ошириб келинган бўяш жараёнлари фақатгина минорага атмосферанинг зарарли таъсирини камайтиришга хизмат қиларди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг