Йель университетининг профессори Жеффри Зонненфельд собиқ президент Дональд Трампнинг иқтисодий сиёсатидан хавотир билдириб, бунинг коммунизмга ўхшашлигини иддао қилди. У бу ҳақда «New York Times» газетасидаги эссесида маълум қилган.

Зонненфельднинг таъкидлашича, Трампнинг ғоялари капиталист Адам Смитдан кўра коммунист Карл Марксга кўпроқ мос келади. Профессор собиқ президентнинг йирик бизнес раҳбарлари томонидан кучли қўллаб-қувватланиши яхшиликка олиб келмайди, деб ҳисоблайди.

Унинг сўзларига кўра, Трампнинг иккинчи муддатга президентликка сайланиши хавотирли, номзоднинг таклифлари барча импортларга универсал 10 фоизлик бож жорий этиш ва Федерал захира кенгашини мустақилликдан маҳрум этишни ўз ичига олишини билдирган.

«Президент Жо Байден монополияга қарши кураш олиб бораётгани учун бизнес раҳбарлари томонидан танқидга учрамоқда. Байден сиёсати рекорд даражадаги корпоратив даромад ва кучли меҳнат бозорига олиб келди», дейди профессор.

Трамп ҳам, Байден ҳам 27 июнь куни бўлиб ўтадиган Атланта шаҳридаги дебатларга ҳозирлик кўрмоқда. Бу уларнинг жорий президентлик сайлови доирасида биринчи марта дебатларга киришиши ҳисобланади.

Аввалроқ Дональд Трамп қайта сайланса, АҚШ коллежларининг хорижлик битирувчиларига автоматик равишда яшил карточкалар беришини айтганди. (https://xs.uz/uzkr/post/tramp-...)